АҚШ-тың Форт-Уэйн қаласында өтіп жатқан волейболды отырып ойнаудан Әлем кубогында Қазақстан ерлер құрамасы тағы да жеңіске жетті. Бүгін біздің спортшылар Канада командасын 3:0 есебімен ойсырата ұтып, өздерінің мықты дайындықтары мен жоғары ойын өрнегін тағы бір дәлелдеді.
Бұған дейін қазақстандықтар Италия мен Польшаны да дәл осы есеппен — 3:0 нәтижесімен жеңіп, турнир кестесінде көш бастап келеді.
Жанкүйерлер үшін маңызды матч ертең өтпек: 15 қазан күні Қазақстан құрамасы Франция волейболшыларымен кездеседі. Кездесу Астана уақытымен таңғы сағат 05:00-де басталады.
Біздің спортшыларға сәттілік тілейміз! Әлем кубогындағы жеңіс жолы жалғаса берсін!
Ақтілек Базарбаева